Gok las ni roha dohot hamuliateon
tapasahat tu Tuhanta, disiala denggan dohot pasu-pasu naung sahat tu hita,
Amen.
Parhorason ma di hita saluhutna pomparan
ni Ompu Niulang Dongan Hutasoit Boru, Bere di Bona Pasogit dohot angka na tano
parserahan, jala marhite pasu-pasu naung sahat tu hita ganup dipatupa pomparan
Ompu Niulang Donggan (Op. Panaluan, Op Somanala, Op. Toga Sahata, Op. Sangga
Uluan) rapt tanggal 1 November 2009 laho patupahon sada partanda di huta ni
ompui, huta Peanariburan Desa Hutasoit II na marbentuk bangunan rumah batak na
Margoar “Partukkoan Ompu Niulang Dongan
Hutasoit” . Jala sian dosniroha na ro tu rapot i hurang lobi 100 halak
ditotophon ma panitian dohot program pelaksanaan pembangunan partukkoan i
(susunan panitia terlampir).
Jala dang gok dope sataon dung dibentuk
panitia marhite lasniroha dohot pasu-pasu na dijalo ni pomparan ni Ompu Niulang
Dongan Ditotophon ma asa dilaksanahon pembangunan. Toho ma di ari Senin tanggal
7 Februaru 2011 dilaksanahon ma gotong royong laos dipatupa mameakkon batu
ojahan “Partukkoan Niulang Dongan” na marukkuran 5 x 6 m, tinggi 9 m sian
alaman, lantai keramik, tangga lima tingkat, jala dinding patukkoan i tarsurat
di tarombo (prasasti) na marukir sian batu nisan, atap cor beton. dohot godang
ni biaya pembangunan partukkoan i Rp. 85.000.00,- jala sude biaya pembangunan
nunga dipatujolo sada keluarga pangaranto pomparan ni Ompu Niulang Dongan.
Dung sidung dipandei tukkang pembangunan
partukkoan ni Ompu Niulang Donggan, diulahon ma rapot panitia toho mai di ari
Minggu tanggal 11 September 2011 na maringanan dipartukkoan ni “Ompu Niulang
Dongan” di Peanariburan Hutasoit II, laos dipatukkoan i ma ditotophon:
1.
Goar ni ulaon i :Pesta Martangiang Pomparan ni Ompu Niulang Dongan Hutasoit “ Boru Bere
2.
Pelaksanaan
Pesta : Sabtu 28 Juli 2012, jam/pikul 09.00 wib sahat tu nasimpul
3.
Maringanan /
Tempat : Huta Peanariburan Desa
Hutasoit II Kecamatan Lintongnihuta Kabupaten Humbang Hasundutan
4.
A. Torop ni
pomparan ni Omputta diperkirahon anak 400 KK dohot Boru, 150
KK.
B. Torop ni na ro di ulaon diperkirahon 1.200 halak (sian bonapasogit dohot
parserahan/pangarantoan haha doli dohot anggi doli, undangan, hula-hula)
5.
Martimbangkon
torop ni na ro tu ulaon nalao sipatupaonta, diperkirahon ma dana Rp. 50.000.000,- dohot rincian :
a.
Horbo 1 ekor + daging
horbo 150 kg
b.
Pinahan /babi 80 kg.
c.
Boras 40 kaleng
d.
Musik/gondang
e.
Peralatan/dekorasi
f.
Napuran tiar tu
hula-hula
6.
Gugu/tok-tok ripe laho
tu ulaon pelaksanaan pesta di ari Sabtu, 28 Juli 2012.
a.
Anak Rp. 100.000,- /KK
b.
Boru, bere
Rp.75.000,-/KK
c.
Sumbangan/ Donatur
Catatan
: Marhite
gugu dohot tok tok ripe on do, sekaligus mandaftarhon keluarga asa dikirim goar
dohot gugu, langsung dikirim tu Rekening Nomor 5388.01.005019.53.4 atas nama
pomparan Ni Ulang Dongan hutasoit Alamat Peanariburan Desa Hutasoit II
Kecamatan Lintongnihuta paling lambat bulan Mei 2012 (dung dikirim gugu i asa
dipaboa tu panitia melalui telepon/SMS tu no HP Ketua/ Sekretaris/ Bendahara)
7.
Taringot tu
parsidohotonta tu biaya pembangunan ni partukkoan Ompu Niulang Dongan
disepakati do sian dosni roha dohot las ni roha sude hita pomparanna gabe
parsidohot manggui pembangunan i.
Marhite surat / boa boa
on, pabotohon tu hita saluhutna pomparan ni Ompi Ni Ulang Dongan di bonapasogit
talumobi di tano parserahan/pangarantoan asa rap hita marsibeta-betaan tu ulaon
i songon napatuduhon sihol ni rohatta tu bonapasogit huta pinukka ni Ompu
Niulang Dongan di Peanariburan Desa Hutasoit II.
“Ida ma dengganna i
jala dohot sonang na i molo tung pungu sahundulan akka na marhamaranggi, ai
disi do diparbaga Jahowa pasu-pasu hangoluan rodi salelengnilelengna (Psalmen
133)
Horas ma di hita Saluhutna, sai Tuhanta ma mandongani hita sude
laho patupahon ulaon na denggan i, botima.
Tabe Sian hami atas
nama panitia pembangunan partukkoan/ pesta martangiang Ompu Niulan Donggan
Hutasoit
Peanariburan
Desa Hutasoit II, Desember 2011
Atas Nama
Panitia Pelaksana
Ketua Sekretaris
St. Jahormat Hutasoit St.
Mariduk Hutasoit, SE
(Op. Ropatina) (Op.
Grace)
Bendahara
Saidin
Hutasoit
(Op. Dippu)